Folio 50r–50v contains documents relating to property in Mugwell Street. The red-ink heading on f. 50r is “Mugwelstrete – perquisita de heredibus Simonis de Berkyng” and on f. 50v “Mugwelstrete”.

Carta Willelmi Rede per Aliciam Harwe [n.d. (1280–81)]

Sciant presentes & futuri quod ego Alicia de Harwe filia quondam Simonis de Lychefeld, dedi, concessi & hac presenti carta mea confirmavi Willelmo de Red juniori, civi & pellipario London’, & Agneti uxori sue, & heredibus ac assignatis ejusdem Willelmi, totam terram illam cum domibus superedificatis & pertinenciis suis quam habui in Mukewelstrate in parochia Sancti Olavi London’, inter tenementum canonicorum nove hospitalis versus austrum & tenementum domini Roberti filii Nigelli versus aquilonem et extendit se a vico regio ex parte orientali usque ad murum ville ex parte occidentali, videlicet quicquid ibidem habui vel habere potui seu debui ut in terris, edificiis, lignis, lapidibus, in longitudine, latitudine & rebus cunctis sine aliqua diminucione. Quam quidem terram predictam cum domibus superedificatis & pertinenciis suis ego predicta Alicia habui ex dimissione quondam Johannis perpetui vicarii ecclesie de Hergwes avunculi mei: habend’ & tenend’ totam predictam terram cum domibus superedificatis & pertinenciis suis ut predictum est prefatis Willelmo & Agneti & heredibus & assignatis quibuscumque ejusdem Willelmi de me heredibus & assignatis meis libere, quiete, bene, & in pace, in feodo & hereditate imperpetuum. Reddendo inde annuatim michi, heredibus vel assignatis meis, unum clavum garophili ad Natale domini, & capitalibus dominis feodi illius servicia inde debita & consueta. Et ego Alicia predicta, heredes & assignati mei totam predictam terram cum domibus superedificatis & pertinenciis suis ut predictum est prefatis Willelmo & Agneti & heredibus vel assignatis ejusdem Willelmi contra omnes homines & feminas christianos & judeos warantizabimus, defendemus & acquietabimus per predictum servicium imperpetuum. Pro hac autem donacione, concessione, warantia, defensione, acquietacione & presentis carte mee confirmacione dederunt michi predicti Willelmus & Agnes viginti marcas argenti pre manibus in gersumam. Et ut omnia premissa robur perpetue firmitatis obtineant, presentem cartam sigilli mei impressione roboravi. Hiis testibus Gregorio de Rokesle tunc Maiore London’, Willelmo de Farndon & Nicholao de Wynton tunc vicecomitibus London’, eodem Willelmo de Farndon tunc aldermanno illius warde, Thoma de Cardul, Johanne Le Wyse, Johanne de Suffouq’, Semanno pellipario, Thoma de Haynton, Galfrido de Ballyngebere, Bartholomeo monetario, Johanne clerico & aliis.