Some men loveth to here tell

Of doughty knyghtes that were fell […]

And some of venterous knyghtes olde

That for our Lorde dyde fyght –

As Charles dyde, that noble Kynge,

That hethen downe dyde brynge,

Thrughe the helpe of God almyghty.

He wanne fro the hethen houndes

The spere and nayles of Crystes woundes,

And also the crowne of thorne –

And many a ryche relyke mo

Mawgré of them he wanne also,

And kylled them even and morne.

The Turkes and the paynyms bolde

He felled doune many a folde;

Durst none stande hym beforne.

Charles gan them so affraye

That the catyves myght curse the daye

And the tyme that they were borne!

Now Machamyte, that Turke untrue

To our Lorde Cryst Jhesu,

And to His lawe also,

Many Crysten man slayne hath he.