Rex omnibus ad quos etc. salutem. Inspeximus cartam quam Reginaldus de Valle Torta dudum fecit liberis burgensibus de Essa in hec verba. Sciant presentes et futuri quod ego Reginaldus de Valle Torta dedi et concessi et hac presenti carta mea confirmaui liberis burgensibus meis de Essa omnes libertates et liberas consuetudines suas hie subscriptas quas habuerunt tempore antecessorum meorum videlicet de pleno burgagio reddent sex denarios ad duos anni terminos scilicet in vigilia natalis domini tres denarios et in vigilia Pasche sequentis tres denarios et de dimidio burgagio reddent tres denarios ad predictos terminos. Et de forinseca terra reddent ad festum sancti Michaelis quantum ad forinsecam terram pertinet. Concessi eciam quod nullus predictorum burgensium implacitetur nec iudicetur nisi in hundredo eiusdem ville coram paribus suis et si ad iudicium perficiendum per se plenarie non sufficiant per auxilium meum et meorum in eodem hundredo perficiatur. Et nullus predictorum burgensium ex consuetudine sequatur hundredum nisi ter in anno scilicet die lune proxima post festum sancti Hillarii et die lune proxima post clausum Pasche et die lune proxima post festum sancte Fidis nisi contra preceptum domini regis vel pro efforciamento iudicij vel si in placito fuerit et tunc habeat summonicionem die sabbati quod die lune sequenti veniat ad hundredum de placito in quo est responsurus et si aliqua summonicio de domino rege vel eius balliuus euenerit per summonicionem castri mei fiat ilia summonicio preposito eiusdem ville et postea per prepositum burgensibus. Concessi eciam quod habeant prepositum suum per propriam eleccionem suam et quod idem habeat totum theloneum panis in eadem villa et redditum domus sue in qua manet quietum pro seruicio suo et quod nichil capiatur ad opus meum in eadem villa nisi per voluntatem mercatorum. Et si quis de predictis burgensibus meis in emendam meam incident per sex denarios illud emendabit ad plus et si quis illorum obierit de quacumque morte fuerit heres eius catalla ipsius in pace habebit et terram suam per xxx denarios releuiabit ad plus. Et tunc emendabit vel releuiabit burgensis de dimidio burgagio sicut burgensis de pleno burgagio. Concessi eciam quod quieti sint ab omni tallagio et auxilio consuetudinario nisi ad filium meum primo- genitum militem faciendum et ad filiam meam primogenitam maritan- dam. Et quod habeant pasturam meam illis continuam quietam a festo sancti Michaelis vsque ad purificacionem beate Marie.