Source: ASR-OSS 134, Spedizioni e decreti, Rubricella atti, 1642–1645, fols 129r–133r.

Minor clarifications and additions made in the copy dated 1743 (ASR OSS 1298) are included in italics in square brackets. Vai's Latin original was the point of reference for the scribe of the vernacular Rubric, given in Appendix C, and it is therefore given here in a literal transcription. The translation is by Shelagh Sneddon.

Decreta Observanda in Ecclesia S. Spiritus [in Saxia ] circa Sacras Functiones

Stephanus Vaius, F. [Pręceptor]

Innocentii 3i fundatoris nostri, ac Sanctissimi D. N. Urbani 8i, nec non Sacri Concilii Tridentini inhęrendo decretis Divinum officium studiosè pariter, et Devotè, Missęque Sacrosanctum Sacrificium omni Religionis cultu, ac Veneratione nostra in ecclesia recitari, et celebrari, ex potiori parte commissi Nobis à S. Sede Apostolica muneris sedulo procuramus. Fratribus itaque dicti nostri Ordinis Sacerdotibus, et Clericis Professis iussu nostro in Ecclesię nostrę Sacrarium cum interventu Admodum R. R. Fr. Bernardini Focarii nostri Generalis Vicarii, ac Fr. Josephi de Rubeis dicte Ecclesię Prioris Superioribus Diebus congregatis quam plures Ordinationes cum [r. tum] Religiosum eorum statum, tum Divinum Cultum attingentes fuere confectę, quare eas ad Ecclesiasticas Functiones præcipuè pertinentes per Nos matura discussione recognitas approbavimus, et confirmavimus, ac præsentium vigore observari præcipimus, et mandamus, earumque tenorem hic duximus inserendum Videlicet.

Ad Matutinum oriente sole primò pulsetur peractaque Prima Missa fiat [detur] aliud signum, inter quod, et accessum fratrum, et Cappellanorum intercedat 4a Pars Horę, ac omnibus coadunatis detur ultimum Campanulę signum pro ingressu Chori in quo omnes genuflexi submissa Voce dicant Orationem = Aperi Domine os nostrum &c. = nuper ab eodem S.mo.D.N. Papa in Diurnalibus editam, Mox Priore, seu Hebdomadario surgente cæteri assurgunt, et inchoatur officium distinctè leniterque recitando, seu Canendo, et cum interpunctione in mediis Psalmorum, et Canticorum versibus in Romano Breviario novissime restituta; Conformis ordo standi, sedendi, et genuflectendi, Caput aperiendi, illud inclinandi servetur. Absint à Choro actus indecori, Ioci, colloquia, Risus; siquis post inchoatum officium advenerit genuflectens ante Altare Aliquantulum oret, postea Chorum ingressus salutet omnes, suumque petat locum, quem nullus dimittat, neque per Chorum vagetur; nec ab eo exeat inconsulto Priore;