The convocation of 1495
Published online by Cambridge University Press: 11 January 2024
Summary
Summons to the convocation
[58r] Reverendo in Christo patri ac domino Domino Thomae, permissione divina Wintoniensi episcopo, Richardus, Dei gratia Londoniensis episcopus salutem et fraternae dilectionis incrementum continuum. Literas reverendissimi in Christo patris ac domini Domini Iohannis miseratione divina tituli Sanctae Anastasiae sacrosanctae Romanae ecclesiae presbyteri cardinalis, Cantuariensis archiepiscopi, totius Angliae primatis et apostolicae sedis legati, ipsius sigillo oblongo in cera rubra impresso sigillatas noveritis nos cum ea qua decuit reverentia recepisse in haec verba:
Iohannes, permissione divina tituli Sanctae Anastasiae sacrosanctae Romanae ecclesiae presbyter cardinalis, Cantuariensis archiepiscopus, totius Angliae primas et apostolicae sedis legatus, venerabili fratri nostro Richardo, Dei gratia Londoniensi episcopo, salutem et fraternam in Domino caritatem. Literas domini nostri regis sigillo suo sigillatas nuper recepimus in haec verba:
Henricus, Dei gratia rex Angliae et Franciae et dominus Hiberniae reverendissimo in Christo patri Iohanni cardinali archiepiscopo Cantuariensi totius Angliae primati salutem. Quibusdam arduis et urgentibus negotiis nos securitatem et defensionem Ecclesiae Anglicanae ac pacem, tranquillitatem, bonum publicum et defensionem regni nostri et subditorum nostrorum eiusdem concernentibus, vobis in fide et dilectione quibus nobis tenemini rogando mandamus quatenus praemissis debito intuitu attentis et ponderatis universos et singulos episcopos vestrae provinciae ac decanos et priores ecclesiarum cathedralium, abbates et priores et alios electivos, exemptos et non exemptos, necnon archidiaconos, capitula, conventus et collegia totumque clerum cuiuslibet dioceseos eiusdem provinciae ad comparendum coram vobis in ecclesia Pauli Londoniarum, vel alibi prout melius expediri videritis, cum omni celeritate accommoda, modo debito convocari faciatis, ad tractandum, consentiendum et concludendum super praemissis et aliis quae sibi clarius exponent tune ibidem ex parte nostra, et hoc sicut nos et statum regni nostri ac honorem et utilitatem ecclesiae praedictae diligitis nullatenus omittatis. Teste meipso apud Westmonasterium, duodecimo die mensis Augusti anno regni nostri decimo [12 August 1495].
Quocirca fraternitati vestrae committimus et mandamus quatenus omnes et singulos dictae ecclesiae nostrae Cantuariensis suffraganeos infra dictam nostram Cantuariensem provinciam constitutos ac absentium episcoporum vicarios in spiritualibus generales, citetis peremptorie. Et per eos decanos et priores ecclesiarum cathedralium et singula capitula earundem, archidiaconos, abbates, prioresque conventus sub se habentes et alios ecclesiarum praelatos, exemptos [et non exemptos], clerumque cuiuslibet dioceseos, provinciae nostrae praedictae citari peremptorie et praemuniri volumus et mandamus,
- Type
- Chapter
- Information
- Records of Convocation VI: Canterbury, 1444-1509 , pp. 383 - 394Publisher: Boydell & BrewerFirst published in: 2024