[Taken from Copies of Documents sent to the Commissioners by the Master and Fellows of the College.]

Universis præsentes Literas inspecturis

Symon permissione Divinâ Cantuariensis Archiepiscopus totius Angliæ Primus Sedis Apostolicæque Legatus, Salutem et perpetuam memoriam rei gestæ.

Ex parte venerabilis fratris nostri Domini Wilhelmi Dei gratiâ Norvicensis Episcopi et dilectorum Filiorum Custodis et Collegii Scholarium Aulæ Stæ Trinitatis in Universitate Cantabrigiensi Eliensis Diœceseos nobis extitit supplicatum quod cum dictus venerabilis frater noster Collegium fundaverit antedictum per loci Diœcesanum, necnon per Cancellarium et Universitatem Cantabrigiensem postmodum confirmatum ac ad directionem et regimen præfati Collegii quædam Statuta composuerit et ordinaverit per Custodem et Socios dicti Collegii ac eorum successores perpetuis ternporibus observanda, fundationem Collegii ipsumque Collegium ac Statuta prædicta ad majoris roboris firmitatem confirmare auctoritate Metropoliticâ dignaremur.

Nos igitur visis, examinatis et discussis dictis fundatione et statutis eisdemque deliberatione petitorum prævia recensitis dictam fundationem ipsumque Collegium et Statuta juxta eorum tenorem et formam tanqnam Deo grata, juri et pietati consona Eeclesiæque Dei Sanctæ ac Regno Angliæ futuris quamplurimum temporibus profutura approbamus, ratificamus et quantum in nobis est, vel esse poterit auctoritate Metropoliticâ confirmamus decernentes Statuta piæfata per Custodes et Socios dicti Collegii qui pro tempore fuerint perpetuis temporibus inviolabiliter observanda.

Tenores autem Fundationis et Statutorum prædictorum præsentibus inseri fecimus integraliterque describi.

In nomine et honore Sanctæ et Individuæ Trinitatis, Patris, Filii, et Spiritus Sancti, ac Sanctæ ecclesiæ nostræ cathedralis Norwic., quæ Sanctæ Trinitatis titulo noscitur insigniri, ad cultusque Divini, ac scientiæ canonicæ et civilis, Universitatisque Cantabrigiæ augmentum, necnon et commodum, regimen, et directionem Reipublicæ, et specialiter dictæ nostræ ecclesiæ, nostræque Dioceseos Norwic. Nos Willielmus de Norwico permissione Divina Norwic.