Cum eo consilio collegium nostrum fundaverimus, ut esset per Dei gratiam doctorum virorum seminarium, unde suppetat Ecclesiae, quanta inde maxima exhiberi possit copia, ad populum Christiana religione imbuendum, nolumus sociorum quenquam existimare sibi in isto collegio perpetuum habitandi domicilium a nobis esse datum; idque eo magis cavendum arbitramur, quod multorum prudentium et gravium virorum querelis interfuerimus, qui multis suae memoriae praesentibusque confirmarint exemplis, nimium diuturnam sociorum in aliis collegiis moram communes reipublicae et ecclesiae utilitates non mediocriter afflixisse. Nam cum ipsi interea pene inutiles sint, turn fructum eum, qui ab aliorum laudabili industria copiosior expectari poterit, reipublicae eripiunt. Ut ergo in isto proventu literatorum hominum, quem cupimus esse amplissimum, ubertatis rationem habuisse videamur, unaque etiam dignitati et existimationi coUegii nostri consulamus, volumus et statuimus, ut tarn Magister coUegii praedicti, quam socii omnes praesentes et futuri ad gradum Doctoratus in sacra Theologia, quamprimum per publica Academiae statuta possint licebitve, se curent promoveri. Si quis vero ipsorum, sive Magister, sive sociorum quisquam, eo temporis spatio quod ad ilium gradum statutis est praefixum, Doctoratus in sacra Theologia gradum non obtinuerit, tune a die Comitiorum, quo proximo Doctoratus insignia accipere alioqui potuisset, locum quem habet habebitque in collegio, perpetuo amittat. Suscepto autem semel gradu praedicto, Magistrum quidem ipsum perpetuum esse volumus. Sociorum vero nullum a die Comitiorum, quo erit Doctor solenni ritu creatus, vel speciali gratia doctoratum actualem susceperit, ultra annum socii locum volumus retinere. In isto tamen anno tempus totum illud, quo ipsorum quenquam aut Procancellariatus munus obire, aut Regii in sacra Theologia, eiusve quem illustrissima domina Margareta Comitissa Richemundiae et Darbeiae instituit, lectoris munere fungi contigerit (modo id suo iure et nomine faciant) nolumus omnino numerari. Cum primum autem magistratu abierint,…