The royal writ

Henricus, Dei gratia rex Angliae et Franciae et dominus Hiberniae venerabili in Christo patri Iohanni, eadem gratia archiepiscopo Eboracensi Angliae primati, salutem. Quibusdam arduis et urgentibus negotiis nos, statum regni nostri ac honorem et utilitatem Ecclesiae Anglicanae intime concementibus, vobis in fide et dilectione quibus nobis tenemini rogando mandamus quatenus praemissis debito intuitu attentis et ponderatis universos et singulos episcopos vestrae provinciae ac decanos et priores ecclesiarum cathedralium abbates et priores et alios electivos exemptos et non exemptos necnon archidiaconos, capitula, conventus et collegia totumque clerum cuiuslibet dioecesis eiusdem provinciae ad comparendum coram vobis in ecclesia cathedrali Beati Petri Eboracensis vel alibi prout melius expedire videritis, cum omni celeritate accommoda more debito convocari faciatis, ad tractandum, concordandum, consentiendum et concludendum super praemissis et aliis quae sibi clarius exponentur tune ibidem ex parte nostra. Et hoc sicut nos et statum dicti regni ac honorem et utilitatem ecclesiae praedictae diligitis nullatenus omittatis. Teste rege apud Westmonasterium duodecimo die Februarii anno regni nostri sexto decimo [12 February 1438].

The archbishop's mandate to Durham sede vacante

Iohannes, permissione divina Eboracensis archiepiscopus, Angliae primas et apostolicae sedis legatus, dilecto in Christo filio custodi spiritualitatis civitatis et diocesis Dunelmensium sede episcopali ibidem vacante, salutem, gratiam et benedictionem. Literas apostolicas necnon et breve regium recepimus, quibus nobis specialiter demandatur quatenus praelatos et clerum nostrae provinciae convocare curaremus, pro causis adruis ecclesiam et regnum concementibus inibi exponendis et pertractandis. Quocirca vobis mandamus quatenus citetis seu citari faciatis peremptorie priorem ecclesiae cathedralis Dunelmensis et capitulum eiusdem, universos abbates et priores et collegia, clerumque civitatis et diocesis praedictarum, quod iidem abbates, priores, archidiaconi et decani personaliter, conventus vero capitula et collegia huiusmodi per procuratores suos singulos, clerusque per duos procuratores sufficientes et idoneos ab ipsis conventibus, capitulis, collegiis et clero legitime deputatos in ecclesia nostra cathedrali Sancti Petri Eboracensis vicesimo primo die mensis Aprilis proximo futuro [21 April 1438], cum continuatione et prorogatione dierum tune sequentium et locorum, coram nobis seu nostris locum tenentibus, commissariis seu commissario in ea parte deputatis seu deputato, compareant et compareat quilibet eorundem, super his quae exponi contigerit una nobiscum vel cum nostris commissariis seu commissario huiusmodi aliisque praelatis dictae nostrae provinciae tractaturi ac suum consilium sanum super praemissis et ea concernentibus impensuri, his etiam quae ibidem concorditer ordinari contigerit consensuri, ulteriusque facturi et recepturi quod huiusmodi convocationis negotia exigunt et natura.