Edwardus, Dei gratia rex Angliae et Franciae et dominus Hiberniae, venerabili in Christo patri Willelmo eadem gratia archiepiscopo Cantuariensi totius Angliae primati salutem. Qualiter negotia tarn nos et statum regni nostri Angliae quam necessariam defensionem eiusdem contingenia ac onera propter hoc nobis incumbentia vobis et aliis in praesenti parliamento nostro existentibus plenius exposuimus vos non latet ad quorum onerum supportationem absque adiutorio fidelium nostrorum non sufficimus sicut scitis per quod aliquos subsidium congruum in supportationem tantorum onerum a vobis et aliis de clero diocesis et provinciae vestrarum in dicto parliamento tune praesentibus nobis concedi petivimus sicut urgens necessitas et evidens utilitas id exposcunt. Nos ut dicta negotia quae salvationem tarn sanctae ecclesiae quam regni nostri Angliae maturiori deliberatione valeant expediri. Vobis in fide et dilectione quibus nobis tenemini rogando mandamus quatenus attentis tarn arduitate negotiorum praedictorum quam periculis quae pro defectu defensionis huiusmodi verisimiliter evenire possent suffraganeos vestros, decanos et priores ecclesiarum cathedralium, abbates et priores et alios electivos exemptos et non exemptos, necnon archidiaconos, capitula, conventus et collegia totumque clerum cuiuslibet diocesis dictae vestrae provinciae ad comparendum coram vobis in ecclesia cathedrali Sancti Pauli Londoniarum vel alibi prout expedire videritis ad breviorem diem quern poteritis more solito convocari faciatis et expositis eis dictis negotiis ibidem ipsos ad aliquod competens subsidium nobis in auxilium supportationis dictorum onerum concedendum cum efficacia indicatis et preces vestras ad hoc effectualiter apponatis,