8 - Isigcawu sesishiyagalombili
Published online by Cambridge University Press: 11 November 2021
Summary
(UMzwakhe noZama bayaxabana kwagogo kaZama. Babanga indaba kaNomonde.)
MZWAKHE: Hheyi, nalo msakazo ubanga umsindo, nengane ayisakwazi nokulala. Ngingayehlisa ivoluyumi?
ZAMA: (Ngokucikeka.) Yenza okubonayo ngoba phela wena ungusiyazi ekukhulisweni kwezingane. Wazi nokuthi azikwazi ukulala kahle uma kunomsindo.
MZWAKHE: (Ehlisa umoya.) Usungaze ungiphendule kanjena mama womntwana! Bheka nje futhi, kade ngilokhu ngikubuza ngemiphumela yakho yasenyuvesi kodwa impendulo angiyitholi.
ZAMA: Imiphumela etheni? Ungayithatha lapho eduze komsakazo.
MZWAKHE: (Asukume ayithathe. Ukhuluma ebheke yona.) Sengathi kuza kahle impela. Ubukeka uzimisele kakhulu ngomsebenzi wakho wesikole.
ZAMA: (Ebhuqa.) Phela akukho ukwenza ngokunye, kumele ngizimisele njengoba usho nje. Isitifiketi engizosithola mhla ngiqeda ukufunda yisona esizoba ngumduduzi wami njengoba ngingenabani.
MZWAKHE: Kwenzenjani, wakhulumisa okomuntu oyintandane? Ngikhona nje mina.
ZAMA: Ukuba khona kwakho akunginiki siqiniseko sokuthi uzohlala nami impilo yakho yonke.
MZWAKHE: Musa ukukhuluma kanjalo ngoba wazi kahle kamhlophe ukuthi mina nawe sizohlukaniswa ukufa.
ZAMA: Kusho ukuthi wonke umuntu wesifazane ohlangana naye wena Mzwakhe uhlale umkhohlisa kanje.
MZWAKHE: Tshela mina Zama. Ngabe likhona noma elilodwa nje ilanga engake ngakukhohlisa ngalo?
ZAMA: Mhlawumbe ubungakaze ungikhohlise ngaphambi kokuba uye kosebenza eKapa.
MZWAKHE: Angisezwa-ke manje.
ZAMA: Uzozwa ungetshe! Angithi phela wena uthe ungaba seKapa lakho lodumo wavele washa amashushu ngoNomonde. Wawungamboni yini ukuthi lo muntu wesifazane mdala kunawe? Konje kuyaye kuthiwe uthando aluboni. Ngendlela omthanda ngayo akuzange kube lula ukubona ukuthi awumelami nokumelama. Noma-ke mhlawumbe wathathwa ukuthi unemali?
MZWAKHE: (Angingize.) Cha … u-ku-thi we-na Zama. E… e…
(UZama atshele uMzwakhe ukuba aphume aphele kwagogo wakhe. Ahambe edangele uMzwakhe.)
- Type
- Chapter
- Information
- Iqonde Kuphi le Ndlela? , pp. 109 - 112Publisher: University of South AfricaPrint publication year: 2012