2 - Isigcawu sesibili
Published online by Cambridge University Press: 11 November 2021
Summary
(UMzwakhe usebuyele ekhaya, eSikhawini. Uhlezi nentombi yakhe esitolo esidayisa ukudla.)
ZAMA: Awazi sithandwa ukuthi bengikukhumbule kangakanani ngenkathi ungekho ngempelasonto. Kodwa nihambe kanjani?
MZWAKHE: Ngingasho ngingananazi ukuthi sihambe kahle kakhulu.
ZAMA: Kwakuhle ukuzwa ukuthi nihambe kahle ngaphandle kwezihibe mntakwethu. (Eguqula ingxoxo.) Mina angithandi ukuhlala kula matafula angaphakathi ngoba kugcwele, futhi kunomsindo.
MZWAKHE: Kunganjani sihlale kulana angaphandle? Kunezihlahla khona, kupholile futhi nomoya ushaya kamnandi.
ZAMA: Uyazi wena Mzwakhe ungathi ubufunda ingqondo yami. Yiyona ndawo efanele uZama noMzwakhe wakhe leyo. (Bahleke baze baqabulane. Baphume sebeyohlala khona.)
ZAMA: Cha, bayakwazi ukupheka kule ndawo. Ukudla kwabo kwehla esiphundu.
MZWAKHE: Ngiyajabula uma ngikuzwa ukhuluma kanje mntakwethu. Sengathi uma unami ungahlale ujabule ngaso sonke isikhathi.
ZAMA: Kanti isikhathi sihamba kanje uma uhleli nothandiweyo wakho! (Esekhuluma ngezwi elikhombisa ukwethuka.) Uzongibulala umama ngenduku namhlanje! Ngicela ungiphelezele bandla, ungibeke erenki.
MZWAKHE: Uqinisile Zama. Angikuphelezele mayifohloza.
(Basukume bahambe.)
- Type
- Chapter
- Information
- Iqonde Kuphi le Ndlela? , pp. 7 - 8Publisher: University of South AfricaPrint publication year: 2012