A church council was held at Dublin by Turlough O'Brien (Toirdelbach Ua Briain) though no account of its proceedings survives. It is likely, however, that it was mainly concerned with matters such as irregular marriages, the administration of the sacraments, the excessive number of bishops and simony, all of which had figured in a letter sent by Lanfranc, archbishop of Canterbury (1070- 89) to Turlough some years before urging him to convene a council in the following terms:

Verum inter multa quae placent relata nobis sunt quaedam quae displicent: videlicet, quod in regno vestro quisque pro arbitrio suo legitime sibi copulatam uxorem nulla canonica causa interveniente relinquit et aliam quamlibet, seu sibi vel relictae uxori consanguinitate propinquam sive quam alius simili improbitate deseruit, maritali seu fornicaria lege punienda sibi temeritate coniungit; quod episcopi ab uno episcopo consecrantur; quod in villis vel civitatibus plures ordinantur; quod infantes baptismo sive chrismate consecrato baptizantur; quod sacri ordines per pecuniam ab episcopis dantur. Haec omnia et siqua sunt similia contra evangelicam et apostolicam auctoritatem, contra sanctorum canonum prohibitionem, contra omnium orthodoxorum patrum qui nos praecesserunt fieri institutionem nullus qui sacras litteras vel mediocriter legit ignorat. Quae quanto in conspectu Dei sanctorumque eius amplius sunt horrenda, tanto studiosius vestris sunt sine aliqua dilatione iussionibus prohibenda, et nisi prohibita corrigantur districtissima terroris vestri severitate punienda. Nullum enim Deo vel maius vel gratius munus offerre potestis quam si divina et humana debitis legibus gubernare studetis. Memores igitur divini iudicii quo de commisso vobis regno rationem reddituri estis Deo episcopos et religiosos quosque viros in unum convenire iubete, sacro eorum conventui praesentiam vestram cum vestris optimatibus exhibete, has pravas consuetudines omnesque alias quae a sacris legibus improbantur a regno vestro exterminare studete, quatenus rex regum et dominus dominantium cum viderit regiam maiestatem vestram praeceptis suis in omnibus esse subiectam, servis quoque ac fidelibus suis pro timore et amore eius mansuetam, inimicis divinae religionis divino zelo infestam, ipse quoque vos vestrosque fideles clamantes ad se propitiatus exaudiat, hostes conterat, pacemque vobis in hoc saeculo stabilem et in fiituro vitam aeternam concedat.