Qui veritatis indagandae studio ea quae de Mercurio vetustas prodidit, diligentius animo volvit, is non modo Gallorum deum, verum etiam, nisi me fallit animus, primum hujus gentis ducem reperiet; quem Galli ut suum heroem, suum ducem, quinimo suum Herculem, caeteris gentibus opposuerunt, utpote non minus strenuum et facundum. Etenim gentium conductores. quae late per terras et maria immensa dispersae, in heroum, imo deorum immortalium numero veteribus fuisse positos, antiqua suadent historiarum monumenta, De Gallis quis dubitet, reliquarum imitatos consuetudinem, primum suum ducem, quisquis ille demum fuerit, eo honoris dignitatisque evexisse, ut reliquis gentium conductoribus aemulum facerent, Hunc esse Herculem ilium Ogmium, de quo, praeter Lucianum, nemo veterum aliquid memoriae prodidit, nova via slabilire decrevi; et circa hunc proavorum nostrorum deum, ea, que vel lectione veterum, vel propria meditatione assecutus sum, paucis expediam.