9 - Isigcawu sesishiyagalolunye
Published online by Cambridge University Press: 11 November 2021
Summary
(Isithelelene amanzi phakathi kukaZama nomama wakhe. Kanjalo futhi phakathi kwakhe noMzwakhe, ulungiselela ukuya eBotswana.)
MAMPANZA: Zama, ake unciphise ivoluyumi kamabonakude. Angithi ubuthe kukhona ofuna ukukhuluma ngakho?
ZAMA: (Enciphisa ivoluyumu ngerimothi.) Yebo mama. Benginqena ukukuphazamisa ngoba uMantombi ungene usagxile ekubukeni izindaba.
MAMPANZA: UMantombi ungowakwabani?
ZAMA: Ungowa…
Mantombi: (Eziphendulela.) Hho, mina ngingowakwaNyide mama.
MAMPANZA: Umsebenzi wokubheka izingane uwujwayele?
Mantombi: Yebo ngiwujwayele. Amawele asekhaya ayebhekwa yimina esemancane ngenkathi umama esemsebenzini. Nakweminye imizi sengike ngawenza lo msebenzi wokuqapha abantwana abancane.
MAMPANZA: Kuhle-ke uma uzijwayele izingane ngoba kuba nzima ukugadana nengane uma kuyinto oyiqala ngqa ukuyenza.
ZAMA: (Eqondise kuMantombi.) Umama bese ngimchazele ngazo zonke izidingo zengane. Uma kukhona ongakuqondi usuzobuza kuyena.
Mantombi: Ngiyezwa sisi. Angiyiboni nakancane inkinga kulokho.
MAMPANZA: Ukuguga madoda! Ake ungikhumbuze Zama, konje uthe nizohamba isikhathi esingakanani?
ZAMA: Sizohamba isikhathi esingangesonto nje kuphela.
(Avalelise uMantombi, bahlukane.)
- Type
- Chapter
- Information
- Iqonde Kuphi le Ndlela? , pp. 113 - 114Publisher: University of South AfricaPrint publication year: 2012