Sessions of The Peace, 1363-1364 Roll B
Published online by Cambridge University Press: 18 July 2023
Summary
ASSIZE ROLL 33
Dominus Rex mandauit dilectis et fidelibus Thome de Reynes Willelmo de Risceby et Thome de Eston breue suum patens in hec verba. Edwardus dei gracia rex Anglie dominus Hibernie et Aquitanie dilectis et fidelibus suis Thome de Reynes Willelmo de Risceby et Thome de Eston salutem. Sciatis quod assignauimus vos coniunctim et diuisim ad pacem nostram et ad statuta apud Wynton’ Norhamton’ et Westm’ pro conseruacione eiusdem pacis edita in comitatu Bedeford’ tam infra libertates quam extra custodienda et custodiri facienda; et ad omnes illos quos contra formam statutorum predictorum delinquentes inueneritis castigandos et puniendos prout secundum formam statutorum predictorum fuerit faciendum; et ad omnes illos qui aliquibus de populo nostro de corporibus suis vel incendio domorum suarum minas fecerint per sufficientem securitatem de bono gestu suo erga nos et populum nostrum inueniendam compellandos et si huiusmodi securitatem facere recusauerint tunc eos in prisonis nostris quousque huiusmodi securitatem fecerint saluo custodiri faciendos. Assignauimus eciam vos vel duos vestrum iusticiarios nostros ad inquirendum per sacramentum proborum et legalium hominum de comitatu predicto tam infra libertates quam extra per quos rei veritas melius sciri poterit de quibuscumque felonijs et transgressionibus in comitatu predicto infra libertates et extra qualitercumque et per quoscumque factis et que extunc ibidem fieri contigerit et de receptatoribus manutentoribus et fautoribus malefactorum premissa perpetrantium ac alijs articulis et circumstancijs premissa qualitercumque contingentibus plenius veritatem; et eciam de hijs qui mensuris et ponderibus infra comitatum predictum infra libertates et extra contra formam statutorum et ordinacionum inde editorum iam vtuntur vel quos exnunc vti contigerit; et ad easdem felonias et transgressiones ad sectam nostram tantam et ad compota de collectoribus et receptoribus finium amerciamentorum et aliorum proficuorum de artificibus seruitoribus et alijs laboratoribus in comitatu predicto leuatorum et [leuandorum quos nuper communitati] regni nostri per termino trium annorum concessimus in auxilium decime [et quintedecime triennalium] quas eadem communitas nobis nuper concessit audienda et terminanda secundum legem et consuetudinem regni nostri; et ad dictos collectors et receptores compellendos [ad plenam] distribucionem de denarijs per ipsos inde collectis inter communitates villarum comitatus predicti [faciendam; necnon] ad debitam correccionem fieri faciendam de ponderibus et mensuris predictis [et condignam] punicionem illis quos de abusu ponderum et mensurarum predictorum culpabiles inueneritis [iuxta] formam ordinacionum et statutorum predictorum imponendam.
- Type
- Chapter
- Information
- Sessions of the Peace for Bedfordshire 1355-1359, 1363-1364 , pp. 99 - 124Publisher: Boydell & BrewerFirst published in: 2023